Gurukul bhutiya kahani, Ghost in gurukul

Aaj main aapko ek Sachi or darane wali Story batane ja raha hu jo ki ek gurukul ki sachi Kahani hai.. jo is prakar se hai..

Gurukulam ki Sachi Bhutiya kahani Written by Hindi Best BloG

Kuch saal pahle ki baat hai ye sachi kahani main batane ja rha hu 2001-2002 ke aas pass ki ghatna hai..us samay main chota tha lag-bhag 12 saal ke aas pass...

Aap sabhi jante hai us umar mein jyada samjhne ke shakti nahi hoti or na hi man karta hai...bus dil karta hai ki kheltey rahe ya masti karte rahe...

Gurukulam ki Sachi Bhutiya kahani

darshal Kya hua paper ka time tha aap sab bhi jantey honge ki paper time mai hum sab kuchh jyada hi padhte hai...Hum bhi padh rahe the..
Ye sachi kahani hai ek gurukul ki jaha mai bhi padhta tha kabhi...isliye ye ghatnaye main manta bhi hu or jaanta bhi hu...

Hua kuchh yu tha ye sab sunke mere rongatey khade ho jaatey hai aaj bhi, kyunki jispe beetati hai wahi jaanta hai ki kya hua or kaise....

JaiSa ki maine upar btaya paper ka time tha....hum sab paper ki taiyari karne goshala main jaaya kartey the or wahan baith kr padha kartey the der raat tak doston ke sath......

Shanivar ki raat thi mujhe aaj bhi ache se yaad hai..hum sab piche goshala main padh rahe the kyunki Monday ko hamara paper tha or isliye der raat tak padhte rahte the dar ke mare kahin fail na ho jayein.....

Goshala hamare room ke piche thodi door pe thi...jahan pe ek light gayi hoti thi jiska kafi ujjala hota tha or vo raat bhar jalti thi...Hume apne room ki der raat tak light jalane ki anumati/permission nahi thi...is karan hum aksar piche hi padha karte the..

Us raat 1.30- 2.00AM  ke aas pass hum sab last topic pe discus kar rahe the or topic aaj tak mujhe yaad hai topic tha- "Foot Print without Feet". Is topic pe discussion chal rha tha ki achanak se piche ki or se payal ki awaj aane lagi like- Chhan Chhan Chhan.....

Goshala ke piche hi jahan hum aksar padha kartey the wahan ghana jungle tha...wahi se vo payal ki awaj chhan chhan....ki aa rahi thi...

Inhein bhi padhe-  Best True Love Story.

Thodi der tak hum me se kisi ne bhi dhyan nahi diya kyon ki sabhi ka dhyan padhai pe tha...achanak se ek dum payal ki awaj tej hone lag gayi...hume aisa laga ki koi hamare ass pass hi payal pahan ke chal rha ho...

Hum log tab bhi nahi dhare kyunki hume laga ho sakta hai koi jungle mai aaya ho or kuch kaam kar rha ho, ye soch ke hum fir se padhane lag gaye...

Tabhi achanak se vo chhan chhan...ki awaj or bhi tez ho gayi...is baar hum sab dar gaye the kyunki avaj kuch jyada hi tej ho gayi thi..mano aisa lag raha tha koi hamare pass hi payal pehan ke naach rha ho.....

Hum log us awaj ko sunke bahut hi jyada dar gaye the kyunki aap kisi chiz ko kab tak ignor karoge jab tak vo aapko dara na de ya aapke aas pass na aa jaye..Vo awaj hamare pass kuchh jyada hi kareeb aa gayi thi...

Jaise hi us payal ki awaj or tej hui hum sab dost ek sath bhage wahen se full speed main...jiski jitni shakti thi vo sab hamne bhagne main laga di...

Hum sab waha se bhaag to gaye tezi se lekin is chakkar mai kya hua meri ek book or left pair ki chappal wahi goshala mai chhut gayi jald bazi ke chakar main...room pe pahunche badi mushkil se, vo time aisa lag rha tha mano aaj sab khatam.

Jaise taise raat kaati ro subah hui to hum sabhi dost ek sath goshala gaye or waha Dekha ki meri chapal or book kahan hai... wahan na book thi na chapal... hum log specially me nirash ho karke wapas apne room pe aa gaye....

Ab na hota kya hai jab aap ek baar dar jatey ho to baar baar apko us chiz ka dhar lagne lagta hai......

Doston kahani ka End yahin nahi hua kahani abhi baki hai... asali thrill ab hai...

Room pe Hum sab dost padhai kar rahe the kahin fail na ho jaay, humpe kewal aaj raat yaani ki sunday ki raat bachi thi padhai ke liye, dhar ke mare hamari piche goshala main jane ki himmat nahi ho rahi thi us din ke baad se..

Kyunki goshala mein ja nahi saktey the padhne to hum sab me socha ki aaj raat room pe hi Der tak padha jayega .....chahe koi kuch bhi kahe.......

Hum sabne decide kia ki chahe hume kuchh bhi karna padhe hum room pe hi padhenge chahe kuchh bhi ho jaay aakhir kaar future ka sawal tha...

Ab aap log soch rahe honge ki room mila hua hai in logo ko to ye piche goshala mai kyu jatey hai padhne, to mai bta deta hu iska karan hai hamare gurukul ka time table...time table bahut hi kadhin tha, raat ko 9.30 baje ke baad kamare ki light nahi jalani chahiye, subhah 4.30 ke baad koi soya nahi hona chahiye..

Agar koi in sab niyamon ko follow nahi karta tha to use dandh diya jata tha taki vo dubara galti na kare, and apni aadat mai sudhar kare taki future mai aasani rahe or ye sab hamare future main aaj bhi kaafi faidey mand hain.

Ab hua kya tha hum sab room pe hi padhne lag gaye or padhtey padhtey raat ke 12 baj gaye or dekhtey dekhtey raat ke 1.30-2.00 bhi baj gaye, hame laga aaj to kuchh nahi hua ho sakta hai piche koi gar badi hai, ab hum sone ja rahe the ki tabhi achanak wahan room pe bhi wahi ajaaz aane lag gayi....or hum sab fir se dar gaye...

Humne ftafat light band kar di or socha ki ho sakta hai ye sab light jalne ki wajah se ho rha ho isliye light band kar di, light band hone ke 5 min. baad vo payal ki awaj fir se sunayi dene lag gayi....

Is baar hum log bahut hi jyada dar gaye the kyunki ab vo awaj hamein hamare kamrey mai sunayi de rahi thi, hum sab ftafat ek kone mai ho gaye or wahan chhupke baith gaye......

Humare Room ke samne ek badi si khidaki thi jiska muh jungle ki side tha or vo awaj wahi se aa rahi thi, ham sab us khidaki se door dusre kone main aa ke baith gaye the..

Inhein bhi Jarur Padhen- Schoolon ki wah wahi

Lekin vo awaj wahan bhi aa rahi thi hum sab inte dare huye the like- thar thar kaanp rahe the dar ki wajah se.....achakan se ek zoooorrrr ki aawaajjjjjj aati hai.......savdhaaaannn..... bhago yahan se....... warna maare jaoge..... tabhi ekdum se hamara kaanch foot jata hai fat deke....or hamari citti pitti gul.....

Vo raat hamari last raat hone wali thi aisa hum sabko laga kyunki humein laga hi nahi tha ki hum ab bach payenge kahin se bhi....sab itne jyada dar gaye the, badi mushki se ek ne himmat kare darwaje ki kundi kholi or hum sab wahan se bhage.

Hum sab ftafat bhage waha se or sidhe anpe manager/pravandhak ke room pe aaye... vo so rahe the badi zor se humne darwaja khat khataya or fir vo bahar aaye, hume dekh ke unke bhi bhochake udh gaye ki ye kya hua bachho ko kyunki sab paseene se titar vitar the....

Fir hamne unhein sari kahani batayi or kahani sunne ke baad vo hamare room pe aaye to dekha wahan khidaki ka ek kanch toota hua hai, vo hamare taraf dekhne lage mano kah rahe hain ki koi baat nahi.....

Vo sab dekhne ke baad unhone kaha ghabarane ki zarurat nahi hai aap log aaram karo tum sabka paper bhi hai.. vo raat badi bhayanak or darawani the khuda kare kisi ke jivan main aisa din na aaye ki vo itna jyada dar jaay...

Uske baad subhah hui roz ki tarah ham sab apna apna kaam kar rahe the sath main paper dene ke liye bhi ready ho rahe the but is baar kisi ke chehre pe khushi nahi thi, paper ke liye gaye or paper diya sabhi ka paper bhi achha gya or sabhi pass bhi ho gaye.....

Hua kya tha paper ke baad jisse hi humane paper diya hum sab sidhe apne gurukul ke room pe aaye or charo taraf dekh to kuchh bhi nahi tha bus tooti hui khidaki, khana khaya fir apne pravandhak/manager ke pass gaye or btaya ki iska kuchh upaay karo......unhone thoda socha or kaha chalo aao mere sath....

Hum sab unke sath piche piche chal diye guess vo hame kaha le gaye, vo hame piche goshala mein hi le gaye jahan hum sabse pahle dare the, wahan ek gau sewak rehta tha vo hume gausewak unke pass le gaye....

Wahan unhone humse puchh kya hua pura btao humne vishtaar se btaya or kaha ki vo raat hamari akhiri raat lag rahi thi.....ye sab sunne ke baad gosewak ne kaha daro nahi mein aap sab ke sath hu itna kahtey hi unhone apni daraar se kuch long (clove) ilanchi (cardamom) nikali aur pta nhi kya kia khuch foonk taank ki or kaha  ek ek kha lo or baki apne pass rakh lo..

Humne bhi jaldi se ek ek long (clove) ilanchi (cardamom) kha li or baki apne pass sambhal ke rakh diya, fir apne kamre pe aaye or ab ham log raat ka intzaar kar rahe the ki dekhtey hai ki inka diya hua nushka kaam karta hai ki nahi, aakheer kaar hum bache hi to the....

Is kahani ko bhi Padhen apko ye kahani padh karke khushi milegi - Funny Love Story.

Raat ho gayi hum sab abhi bhi dar rahe the ki kahin kuchh fir se na ho jaay lekin ek honsala bhi tha ki ab kuchh nhi hoga aur bilkul hua bhi aisa hi us din ke baad se humein kisine nahi daraya or tab se hum sab aaram se rahne lag gaye......

Din beet gaye dhire dhire or hum sab pass out ho gaye gurukulam se...aaj bhi hum dost log gurukulam jatey hai or wahan ke bacho se puchtey hain ki kahin koi pareshani to nahi, jab unka javaan na mein aata hai to vo sunke bada hi acha lagta hai...

To doston ye thi ek gurukulam ki sachi bhutiya kahani or bhi hai abhi sachi kahaniya dhire dhire ek ek kare apke sath share ki jayegi sachi kahaniya....thank you and sport us......

 इन्हें भी अवश्य पढ़ें -

Post a Comment

4 Comments

जबरदस्त
Jai Hind said…
ये सच्ची कहानी है बहुत खूब दोस्त।
Unknown said…
Jabardast dost...